Flash

Plagosi me thikë një të ri pas aksidentit, shpallet në kërkim 23-vjeçari në Sarandë

Lapsi.al 7 June 2025
Plagosi me thikë një të ri pas aksidentit, shpallet në

Specialistët për Hetimin e Krimeve në Komisariatin e Policisë Sarandë kanë referuar materialet në Prokurori dhe kanë shpallur në kërkim një 23-vjeçar, i dyshuar për një ngjarje të ndodhur më datë 6 qershor 2025, në lagjen nr. 3 të qytetit.

Sipas Policisë, shtetasi D. B., 23 vjeç, banues në Sarandë, është përfshirë në një aksident rrugor me dëme materiale, rreth orës 10:00 të mëngjesit, me automjetin që drejtohej nga D. S., 21 vjeç, gjithashtu banues në Sarandë.

Pas përplasjes mes dy mjeteve, ngjarja ka degjeneruar në konflikt fizik, ku dyshohet se D. B. ka goditur me mjet prerës (thikë) shtetasin D. S., duke i shkaktuar lëndime trupore, si dhe ka dëmtuar automjetin e tij.

Menjëherë pas ngjarjes, autori është larguar nga vendngjarja, ndërsa Policia e ka shpallur në kërkim dhe po punon intensivisht për kapjen e tij dhe vënien përpara drejtësisë.

Ndaj tij rëndojnë dyshime për veprat penale “Plagosje e lehtë me dashje” dhe “Shkatërrim prone”, ndërkohë që materialet procedurale i janë kaluar Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme hetimore.

Policia vijon punën për lokalizimin dhe ndalimin e autorit, si dhe për zbardhjen e plotë të rrethanave të ngjarjes.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI