Flash

Pije alkolike kontrabandë nga Greqia, 53-vjeçari kapet me 3 doganierë në Kapshticë

Lapsi.al 7 June 2025
Pije alkolike kontrabandë nga Greqia, 53-vjeçari kapet me 3

Një 53-vjeçar nga Korça është arrestuar pasi u kap duke transportuar një sasi pijesh alkoolike të futura kontrabandë nga Greqia. Ai u ndalua në aksin rrugor “Kapshticë-Bilisht”, ku gjatë kontrollit në automjetin e tij u zbuluan pije të paregjistruara, që dyshohet se kishin hyrë në vend pa u zhdoganuar.

Ndërkohë, tre punonjës të doganës në pikën kufitare të Kapshticës janë proceduar penalisht, pasi dyshohet se nuk kanë kryer detyrat e tyre ligjore për ndalimin e këtij rasti.

Policia ka sekuestruar pijet dhe automjetin që përdorej për transport, ndërsa materialet i janë kaluar Prokurorisë për hetime të mëtejshme.

Gjatë operacionit, në aksin rrugor “Kapshticë – Blilisht”, shërbimet e Policisë kanë ndaluar automjetin me drejtues shtetasin A. Ll.

“Gjatë kontrollit në këtë automjet, shërbimet e Policisë kanë gjetur një sasi pijesh alkoolike, të cilat dyshohet se janë futur në Shqipëri, pa kryer procedurat e zhdoganimit.

Në vijim të veprimeve për këtë rast u arrestua në flagrancë shtetasi A. Ll., 53 vjeç banues në Korçë, për veprat penale “Kontrabanda me mallra të tjera” dhe ” Kontrabandë me mallra që paguhet akcizë”.

Gjithashtu, u referuan materialet në Prokurori ku nisi procedimi për veprën penale “Shpërdorimi i detyrës”, për shtetasit K. P., 45 vjeç, A. G. 61 vjeç dhe R. M., 40 vjeç (doganierë), pasi dyshohet se nuk kanë kryer veprimet për zhdoganimin e mallrave, sipas ligjit”, njofton policia.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI