Një pallat është përfshirë nga flakët mesditën e sotme në zonën e “Astirit” në Tiranë, pranë zyrës postare. Siç shihet edhe në pamje zjarri ka përfshirë një hyrje në një pallat. Gjithashtu mësohet se shkaku i shpërthimit të zjarrit ka qenë një bombol gazi.
Ngjarja ka shkaktuar edhe panik tek banorët, pasi ekzistonte frika e asfiksimit dhe përhapjes së vatrës në hyrjet e tjera. Por pas ndërhyrjes së forcave zjarrfikëse dhe evakuimit, u bë shuarja e flakëve brenda pak minutash. fatmirësisht nuk raportohet për persona të lënduar përveç dëmeve të shumta materiale.
