Flash

Andia Ulliri i drejtohet KQZ: Mandati i Arjan Ndojës për PD në Durrës më takon mua

Lapsi.al 27 May 2025
Andia Ulliri i drejtohet KQZ: Mandati i Arjan Ndojës për PD në

Deputetja e PD-së Andia Ulliri që kandidoi në listat e Partisë Demokratike-Aleanca për Shqipërinë Madhështore në qarkun e Durrësit, i ka dërguar një kërkesë KQZ-së ku pretendon se mandati që mori Arjan Ndoja i takon asaj, për shkak të kuotës gjinore. Në qarkun e Durrësit, PD fitoi 6 mandate nga të cilët 5 i përkasin listës së mbyllur. Mandati i vetëm në listë të hapur iu dha Arjan Ndojës me 9167 vota.

Por Ulliri shkruan se ky veprim nuk është i ligjshëm dhe bie ndesh me dispozitat e Kushtetutës, Kodin Zgjedhor dhe qëndrimin e Parlamentit i cili është paraqitur edhe në Gjykatën Kushtetuese. Sipas saj, në bazë të ligjit 1 në 3 deputetë duhet të jetë grua dhe për të plotësuar këtë kuotë mandati i vetëm në listën e hapur i takon asaj si më e votuara nga gratë.

ulliri

“Nga këqyrja që i kam bërë faqes zyrtare të KQZ-së, rezulton se nga ana juaj është shpallur si i zgjedhur (mandatuar) kandidati Arian Ndoja, i cili ishte i renditur i pari për nga votat parapëlqyese.

Unë besoj se ky veprim nga ana juaj nuk përbën një vendim të ligjshëm, por vetëm një projeksion, i cili bie ndesh me dispozitat e Kushtetutës së Republikës së Shqipërisë, me Kodin Zgjedhor, si dhe me qëndrimin e Parlamentit të Republikës së Shqipërisë, i cili është paraqitur edhe në Gjykatën Kushtetuese.

Në mënyrë të pashpjegueshme nga ana juaj është anashkaluar hapur përcaktimi ligjor i referuar në Kushtetutë dhe i sanksionuar në Kodin Zgjedhor, ku përcaktohet qartë që 1 në çdo 3 deputetë duhet të jetë i gjinisë më pak të përfaqësuar”, - shkruan Ulliri. ©LAPSI.al

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

16°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI