Flash

2 mijë euro për të 'mbyllur' aksidentin, zyrtarët e Policisë Rrugore pyeten nga BKH

Lapsi.al 20 April 2025
2 mijë euro për të 'mbyllur' aksidentin, zyrtarët

Shefi i Komisariatit të Policisë Rrugore në Tiranë, Roven Zeka, shefi i oficerëve të policisë gjyqësore Sokol Novaku dhe oficeri Edison Tabaku kanë kaluar natën në bllokun e sigurisë, pas urdhër-ndalimit të lëshuar nga SPAK për veprën penale të korrupsionit pasiv të kryer në bashkëpunim.

Zeka dhe Novaku u paraqitën vullnetarisht mesditën e së shtunës pranë Drejtorisë Vendore të Policisë së Tiranës, pasi kishin mësuar për masën e urdhëruar nga Prokuroria e Posaçme kundër Korrupsionit dhe Krimit të Organizuar.

Gjatë mëngjesit të së dielës, të tre zyrtarët dhanë shpjegimet e para përpara oficerëve të Byrosë Kombëtare të Hetimit , në kushte izolimi në bllokun e sigurisë.

Sipas burimeve paraprake, tre efektivët e policisë dyshohet se kanë favorizuar drejtuesen e një automjeti e cila kishte shkaktuar një aksident rrugor me pasoja për shëndetin e dy personave, të cilët u dërguan në spital për ndihmë mjekësore. Megjithatë, ajo është proceduar në gjendje të lirë.

Shuma prej 2 mijë eurosh dyshohet të jetë dhënë si rryshfet në këmbim të këtij favori, por oficerët e policisë kanë mohuar akuzat, duke deklaruar se kanë ndjekur të gjitha procedurat standarde.

Prokurorja e çështjes, Elida Kaçkini, ende nuk i është drejtuar Gjykatës së Posaçme me kërkesën për caktimin e masës së sigurisë ndaj tre zyrtarëve, ndërkohë që dyshohet se në dosje janë përfshirë edhe përgjime audio si provë kryesore në hetim.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

14°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI