Jay-Z dhe Beyonce janë të shqetësuar pasi çiftit iu dërguan kërcënime me vdekje për një proces gjyqësor të rrëzuar së fundmi.
Reperi u akuzua, së bashku me Sean 'Diddy' Combs, për përdhunimin e një gruaje kur ajo ishte 13-vjeç. Ndërsa gruaja, e njohur si Jane Doe, hoqi dorë nga padia, kjo nuk do të thotë se akuzat kanë ndaluar për Jay-Z.
Edhe pse reperi e ka mohuar pretendimin, ai vazhdon të përballet me reagime ndaj padisë tashmë të rrëzuar, ndërsa marrëdhënia e tij dhe Beyonce me Combs, i cili aktualisht ndodhet prapa hekurave për akuzat e trafikimit të seksit, gjithashtu është vënë nën shqyrtim.
Së fundmi ai e përshkroi reagimin e ashpër në një deklaratë ligjore, duke deklaruar se reputacioni i tij është dëmtuar dhe se ai dhe familja e tij janë “kërcënuar me vdekje”.
Krahas kërcënimeve, Jay-Z pretendon se përdoruesit e rrjeteve sociale e kanë quajtur “satanist”, “trafikant”, “terrorist” dhe “përbindësh”. Disa përdorues online madje kanë thënë se Jay-Z duhet të jetë "në burg" me Combs, dhe "më pas në ferr".
