Reese Witherspoon iu drejtua teorisë së internetit se aktorja me të cilëb ajo pati një mosmarrëveshje ishte Kate Winslet.
“Hej djema.. sapo fola me shoqen time shumë të dashur për vite me radhë, Kate W”, shkroi Witherspoon në Instagram Stories të shtunën.
“Ne qeshim me këtë marrëzi. Ju lutemi mos besoni gjërat që shkruhen në internet”, tha ajo. "Ne jemi mike të mira dhe nuk kemi pasur kurrë ndonjë konflikt."
Javën e kaluar, Witherspoon zbuloi se një aktore e famshme i dha fund miqësisë së tyre pas një fjalimi për nder të yllit të paidentifikuar.
“Kështu që kjo shoqja ime – që nuk e njihja aq mirë, por ajo ishte një aktore shumë e mirë – ajo më kërkoi t’i jepja një çmim.”
Megjithatë, Witherspoon,”nuk kishte qenë kurrë” në atë ceremoni të veçantë të çmimeve dhe e kuptoi shpejt se ajo e kishte vlerësuar gabim atmosferën e galasë.
“Toni ishte britanik, elegant dhe me klas,”shpjegoi ajo. “Dhe unë thashë: ‘E mbani mend kohën kur bëmë heqjen e qimeve me lazer?!’”
Witherspoon shpërtheu në të qeshura duke menduar për këtë përvojë, për të cilën ajo “është ende në siklet”.
Ndërsa ajo shikon prapa dhe qesh me situatën, aktores nuk i duk qesharake.
“Ne nuk jemi më mike. Nuk po bëj shaka – ne nuk jemi më. Unë mendoj se ajo nuk më pëlqen më”, tha ajo. “Mendova se ishte shumë qesharake, dhe thjesht, kisha audiencën e gabuar. Ishte shumë keq. Nuk po bëj shaka, ajo nuk më flet më.
