Aktorja e “Squid Game” Lee Joo-sil ka ndërruar jetë në moshën 81-vjeçare.
Lee vdiq të dielën në shtëpinë e saj familjare në Uijeongbu, Koreja e Jugut, sipas gazetës koreane The Chosun Ilbo. Ajo u diagnostikua me kancer në stomak në nëntor 2024, tha gazeta. Varrimi i saj do të bëhet në Spitalin Shinchon Severance më 5 shkurt.
Lee luajti në "Squid Game" si Park Mal-soon, nëna e detektivit të policisë Hwang Jun-ho dhe njerka e The Front Man, Hwang In-ho. Ajo u shfaq në dy episodet e para të sezonit 2, sipas IMDb-së së saj.
Në sezonin e dytë të shfaqjes Netflix, Hwang Jun-ho bashkon forcat me një peshkatar për të gjetur ishullin ku gjysëm vëllai i tij po drejton lojërat. Është e paqartë nëse Lee do të jetë në sezonin e tretë dhe të fundit, i cili u filmua para vdekjes së saj dhe do të shfaqet premierë në Netflix në qershor 2025.
Fansat e shfaqjes hit reaguan ndaj vdekjes së Lee në rrjetet sociale. "Jo, unë e doja atë ," shkroi një fans në X “U preftë në paqe”, tha një tjetër fanse. Një përdorues i tretë i X shkroi, "Oh Zoti im NOOOOO."
Aktorja filloi aktrimin në vitin 1964 me role në produksionet skenike. Një nga rolet e saj më të famshme në film ishte në thrillerin e zombive të vitit 2016 "Tren to Busan", ku ajo luajti gjyshen e protagonistit Seok-woo. Ajo u shfaq gjithashtu në shfaqjet dramatike koreane, duke përfshirë "The Uncanny Counter", "Country Diaries", "It's Beautiful Now" dhe "The Witch's Diner".
