Pax Jolie-Pitt, djali 20-vjeçar i Angelina Jolie dhe Brad Pitt, thuhet se është shtruar në spital me një dëmtim të rëndë në kokë pas një aksidenti me biçikletë elektrike në Los Angeles të hënën.
TMZ raporton se Pax nuk kishte veshur helmetë në momentin e aksidentit dhe u dërgua me urgjencë në spital për trajtim pasi pësoi një dëmtim në kokë dhe përjetoi dhimbje në ije.
Brad dhe Angelina ndajnë tre fëmijë biologjikë - Shiloh 18-vjeçare dhe binjakët Vivienne dhe Knox 15-vjeçare, si dhe tre fëmijë të birësuar, djemtë Maddox, 22 dhe Pax, 20, dhe vajza Zahara, 19 vjeç.
Aksidenti i Pax vjen mes procedurave ligjore të motrës Shiloh për të hequr mbiemrin "Pitt".
Shiloh së pari paraqiti dokumentet duke kërkuar ndryshimin ligjor të emrit më 27 maj, ditën kur ajo festoi 18-vjetorin e saj . Para kësaj, Zahara hoqi dorë nga mbiemri kur u prezantua si "Zahara Marley Jolie" gjatë një ceremonie për grupin Alpha Kappa Alpha në Kolegjin Spelman në Atlanta, Georgia.
Vivienne ndoqi shembullin e motrave kohët e fundit. Ajo dhe nëna e saj e famshme bashkëprodhuan produksionin në Broadway të The Outsiders, në të cilin Vivienne u vlerësua si "Vivienne Jolie". Dyshja nënë-bijë fitoi një çmim Tony për punën e tyre në The Outsiders.
Një burim më vonë i tha ET se Shiloh "angazhoi avokatin e saj dhe e pagoi vetë". Sa i përket reagimit të Brad ndaj përpjekjes së Shiloh për të hequr mbiemrin e tij, një burim i tha ET muajin e kaluar se "Bradit ka dashur gjithmonë të jetë baba dhe i do fëmijët e tij".
