Angelina Jolie ka shprehur përmes avokatit të saj një kërkesë ndaj Brad Pitt, për të ndërprerë proceset gjyqësore.
Sipas People, avokati, Paul Murphy, lëshoi një deklaratë në të cilën ai i referohet propozimit të Brad Pitt për të blerë aksionet e Jolie në kantinë Château Miraval. Në këtë mënyrë, Pitt “u përpoq të ndëshkonte dhe kontrollonte Angeluna, duke i kërkuar asaj të nënshkruante një marrëveshje tjetër konfidencialiteti mes tyre për të fshehur sjelljen e tij të keqe dhe abuzimin e anëtarëve të familjes së tij “.
Murphy shtoi se kjo sjellje e Pitt nuk i bëri përshtypje Jolie dhe se ai ka frikë të dorëzojë dokumentet që dëshmojnë për këto incidente.
“Angelina po i kërkon sërish zotit Pitt të ndalojë së luftuari dhe më në fund ta lërë familjen e tyre të ecë përpara, dhe nëse zoti Pitt nuk e heq padinë kundër saj, ajo nuk ka zgjidhje tjetër veçse të marrë të gjitha provat e nevojshme për të hedhur poshtë pretendimet e tij”.
Çështja ligjore mes ish-çiftit gjurmohet në dokumentet në posedim të Pitt që kanë të bëjnë me komunikimet që ai kishte me palët e treta pas incidentit të vitit 2016, kur Jolie pretendon se ai sulmoi anëtarët e familjes së tyre gjatë një fluturimi.
