Një 70-vjeçar është gjetur pa shenja jete në një kasolle në në afërsi të “Urës së Mifolit” mbrëmjen e djeshme në Novoselë të Vlorës.
Paraprakisht dyshohet vdekje natyrale, por policia është duke hetuar lidhur me ngjarjen. Trupi i pajetë është parë nga banorët e zonës dhe me pas është lajmëruar policia e Vlorës, e cila ka bërë këqyrjen e vendit.
“Mbrëmjen e djeshme, në fshatin Fitote, Novoselë, në një kasolle në afërsi të “Urës së Mifolit”, është gjetur pa shenja jete shtetasi R. T., rreth 70 vjeç, i cili dyshohet paraprakisht se ka ndërruar jetë për shkaqe natyrale. Grupi hetimor vijon punën për zbardhjen e plotë të rrethanave të ngjarjes.”, njofton policia.
