Policia ka identifikuar dhe ka shpallur në kërkim autorin që plagosi me armë zjarri në këmbë 24-vjeçarin Jaser Osmani. Mësohet se të shtëna me armë zjarri janë regjistruar sot në Shkodër pas një konflikti. Blutë bëjnë më dije se autori i dyshuar është një 46-vjeçar. Sipas hetimeve dyshohet se autori e ka plagosur këtë të riun me një plumb në këmbë dhe është larguar menjëherë nga vendi i ngjarjes.
"Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër. Shërbimet e Policisë vijojnë kontrollet për kapjen e 46-vjeçarit", njofton policia.
24-vjeçari po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.
