Halle Berry ka reaguar ndaj përdorimit të fotos së saj të vitit 2012 nga Drake për të promovuar këngën e tij të re, "Slime You Out".
Përmes rrjetit social,Instagram, reperi postoi një foto të Berry-t në çmimet Nickelodeon Kids' Choice Awards 2012 në Galen Center në Los Angeles, Kaliforni. Drake shtoi tek foto "Këshillim prindëror" dhe dy emoji.
Pas postimit të tij , Berry iu përgjigj një fanse e cila e pyeti në seksionin e komenteve për foton e përdorur nga reperi. "Nuk më kërkoi leje. E vlerësoja si njeri !" Por, kur njerëzit që admironi ju zhgënjejnë, mos u merrni më me ta por thjesht vazhdoni përpara!", shkroi ajo.
Nuk është hera e parë që Drake kritikohet për mënyrën si promovon punën e tij. Vetëm vitin e kaluar, reperi 36-vjeçar dhe 21 Savage printuan kopertina të rreme të Vogue për të promovuar albumin e tyre, Her Loss.
Botuesi i revistës së modës, Condé Nast ngriti një padi në nëntor kundër reper ve duke pretenduar se "fushata e përhapur promovuese" për albumin e tyre është "ndërtuar tërësisht" në përdorimin e markave tregtare të Vogue. Condé Nast paditi reperët për dëmshpërblim prej 4 milionë dollarësh. Vetëm disa muaj më vonë, në shkurt, Drake dhe 21 Savage e zgjidhën padinë me botuesin e Vogue. Kushtet e marrëveshjes nuk u zbuluan./Lapsi.al
