Regjisori James Wan thotë se vazhdimi i ardhshëm i Aquaman nuk ishte menduar kurrë të fokusohej tek Mera e Amber Heard.
Aktorja ripërsërit rolin e saj si princeshë e detit në Aquaman and the Lost Kingdom, por gjatë gjyqit të saj për shpifje në Virxhinia me ish-bashkëshortin Johnny Depp vitin e kaluar, Heard dëshmoi se roli u "shkatërrua shumë" mes vëmendjes negative ndaj saj.
Në një intervistë të re me Entertainment Weekly, Wan tha se Mera nuk ishte menduar kurrë të ishte personazhi kryesor në pjesën e dytë. Në vend të kësaj, historia e re fokusohet te Arthur Curry (Jason Momoa) dhe gjysmëvëllai Orm (Patrick Wilson).
"Gjithmonë ua tregoja këtë të gjithëve që nga fillimi. Aquaman i parë ishte udhëtimi i Arthur dhe Mera. Filmi i dytë do të ishte gjithmonë Arthur dhe Orm," tha ai. “Pra, i pari ishte një film aksion-aventurë romantike, i dyti është një film aksion-aventure bromance”, shtoi Wan. "Do ta lëmë me kaq."
Depp e paditi Heard për shpifje në lidhje me një artikull të vitit 2018 që ajo shkroi për abuuzim në familje, megjithëse nuk e përmendi atë me emër. Ai fitoi të tre kërkesat, dhe ajo fitoi një nga tre kundërpaditë e saj.
Gjatë gjyqit, Heard (e cila kishte filmuar skenat e saj të vazhdimit ) argumentoi se reputacioni dhe karriera e saj "morën një goditje" për shkak të sulmeve publike të Depp ndaj personazhit të saj.
"Kam luftuar shumë për të qëndruar në film. Ata nuk donin të më përfshinin mua," tha ajo për vazhdimin. “Më dhanë një skenar dhe më pas më dhanë versione të reja të skenarit që kishin hequr skena që kishin veprim në të, që përshkruanin personazhin tim dhe një personazh tjetër ”, shtoi ajo në atë kohë./Lapsi.al
