Tridhjetë vjet nga suksesi, një darkë festive në vilën e Ernesto Pellegrinit, ish-presidenti, ka celebruar Kupën e parë Uefa të fituar nga Interi në vitin 1991. Një festë në distancë të tridhjetë vitetve, e programuar por e shtyrë për shkak të pandemisë. E tani ekziston shpresa që edhe Interi do të kthehet të festojë titullin kampion të shtyrë për fajin e... Milanit.
TË PRANISHËM
E mes të shkuarës dhe të tashmes, të gjithë janë fitues, duke filluar nga ish-presidenti Pellegrini. Nuk kishte lumturi e emocion më të madh kur nipërit e tij Guglielmo dhe Ginevra shpërndanë medaljet e arta për gjashtëmbëdhjetë lojtarët e pranishëm. Ishin aty pothuaj të gjithë: Baresi dhe Bergomi që kujton me shumë ndjeshmëri meritat e Trapattoni, Berti dhe Bianchi, Brehme dhe Ferri, Fontolan dhe Mandorlini, Manicone dhe Morello, Antonio dhe Massimo Paganin, Pizzi dhe Stringara, Serena dhe Klinsmann.
PRAPASKENA
E pikërisht kur ish-presidenti përqafoi ish-sulmuesin gjerman, Pellegrini i zbuloi atij një histori: “Jurgen ti nuk e di që në Botërorin 1990 në Itali e pashë ndeshjen Holandë-Gjermani në Milano, përkrah Berlusconit. Ishit ju interistët me Brehme dhe Matthaeus dhe milanistët Gullit, Rijkaard dhe Van Basten. Fituat ju 2-1, shënove golin e parë dhe në fund Berlusconi më tha: 'Do të të jap pesëmbëdhjetë miliardë për Klinsmann'. Por unë nuk u dorëzova dhe jam i lumtur që qëndrove në Inter”. Dikush nga lojtarët madje bëri humor: "Kinezët do ta kishin shitur menjëherë". Të gjithë qeshën, ndërsa Pellegrini akoma nuk mund të buzëqeshë kur kujton atë titull të humbur për gabime arbitrale. Titulli u fitua nga Sampdoria në të njëjtin vit që Interi fitoi kupën UEFA. Për këtë arsye në medaljet e arta shkruhej "Uefa Cup 1991 dhe titulli moral".
