Flash

Jep dorëheqjen kreu i AKEP

Gentian Sala ka dhënë dorëheqjen nga posti i kryetarit të Autoritetit të Komunikimeve Elektronike dhe Postare (AKEP), detyrë t&eu...

16:55

Video/ Skandal në Kolumbi: 1400 tifozë të Deportico Cali futen në fushë dhe rrahin lojtarët e tyre

Lapsi.al 22 September 2022
Video/ Skandal në Kolumbi: 1400 tifozë të Deportico Cali futen
Skena lufte guerile vijnë nga Kolumbia, ku Deportivo Cali luajti në fushën e Cortulua, për javën e 13-të të turneut Clausura të Primera A. Dhjetë minuta nga fundi, me vendasit në avantazh 2-0, mbi 1000 tifozë të skuadrës vizitore u derdhën në fushë. Aty nisi një gjueti e vërtetë ndaj lojtarëve të skuadrës së tyre, fajtorë për rezultate zhgënjyese. Padyshim që loja u pezullua. Përfundoi në mënyrën më të keqe të mundshme ndeshja e fundit të renditjes mes Cortulua dhe Deportivo Cali. Ose më mirë, nuk përfundoi fare. Në fakt, në minutën e 81, me dy gola avantazh për vendësit, loja u ndërpre për shkak të pushtimit të fushës. Një grupi shumë i madh tifozësh hynë brenda fushës. Rreth 1400 njerëz kapërcyen barrierat, shumica prej tyre mbështetës të Deportivo Cali dhe filluan të abuzojnë verbalisht dhe fizikisht me lojtarët dhe stafin. Arbitri e shumica e lojtarëve arritën të largoheshin nga fusha, por disa mbetën të përfshirë në përplasje. Dy ishin personat kryesisht të shënjestruar nga hakmarrja e dhunshme e tifozëve: trajneri Mayer Candelo dhe sulmuesi Teofilo Gutierrez. Trajneri, pavarësisht përpjekjes së policëve për ta mbrojtur, u godit me shkelma dhe grushte në kokë. I njëjti fat për lojtarin, i cili u përpoq më kot të arratisej para se të kapej dhe të rrihej. Deportivo Cali lëshoi një deklaratë zyrtare: “Cali Sports Association, Komiteti Ekzekutiv, Presidenti Luis Fernando Mena, stafi profesional, zyrtarët dhe punonjësit refuzojnë me forcë agresionin, ngacmimin dhe dhunën e pësuar nga skuadra jonë gjatë ndeshjes kundër Cortulua. Dënon çdo akt të dhunshëm ndaj lojtarëve tanë dhe stafit teknik. Me respekt i kërkojmë qeverisë dhe autoriteteve sportive që të ndërhyjnë për të shmangur një tragjedi në të ardhmen”.

VIDEOT E AGRESIONIT

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

16°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI