Pavarësisht fitores 2-0 ndeshja e Europa League nuk ka shkuar mirë për Manchester United. Ajo kundër Sheriff Tiraspol të enjten e kaluar ishte fjalë për fjalë një ndeshje e patretur për anglezët. Disa lojtarë dhe anëtarë të stafit të Djajve të Kuq, siç raporton Sun, në fakt u prekën nga një helmim i dyshuar ushqimor.
Mbrëmjen e së enjtes skuadra e Erik ten Hag u përball me Sheriff Tiraspol në kryeqytetin moldav Kishinau. 2-0 rezultati përfundimtar në favor të Djajve të Kuq falë golave të Jadon Sancho dhe Cristiano Ronaldos. Çdo gjë në rregull? Aspak. Në fakt, duke u kthyer në Mançester me një avion privat, të premten anëtarët e grupit filluan të ndiheshin keq. Sipas Sun, 12 lojtarë u prekën nga helmimi prej ushqimit dhe shumë prej tyre u detyruan të humbisnin stërvitjen të premten dhe të shtunën.
Lexo më tej: Video/ Lazio turpërohet në Danimarkë: në Tiraspol ‘sherifi’ është Ronaldo
Sipas gazetës angleze, klubi tani po shqyrton nëse sëmundja ishte rezultat i ushqimit në Moldavi, apo në aeroplan rrugës për në shtëpi. Për fat të mirë, Manchester United nuk kishte ndeshje gjatë fundjavës pas anulimit të sfidës kundër Leeds. Serioziteti i problemit nuk është ende i qartë, por disa nga lojtarët e sëmurë u nisën me kombëtaret e tyre përkatëse.
Prandaj emergjenca është anuluar dhe ky është një lajm i rëndësishëm për ten Hag. Pas pauzës së kombëtareve do të luhet derbi i Mançesterit kundër City të Guardiolas dhe Haaland.
