Skuadrat shqiptare duhet ende të luajnë raundin e dytë të Conference League, por ndërkohë kanë njohur fatin për ecurinë e mëtejshme në këtë kompeticion, gjithnjë nëse arrijnë kualifikimin. Kështu, është hedhur shorti i turit të tretë të Conference League dhe goglat kanë qenë dashamirëse me Tiranën, por jo me Vllazninë e Laçin.
Bardheblutë e Shehit, pasi zbritën nga Champions do të luajnë nesër ndaj Zrinjski Mostar e nëse kalojnë boshnjakët, atëherë do të përballen me fituesen e sfidës Tobol-Linkoln. Nuk mund të thuhet e njëjta gjë për Vllazninë e Lacin. Kuqeblutë, sikur të mos mjaftojë që kanë një përballje të vështirë të tani, kundër Universitatea Craiova, edhe nëse avancojnë, në raundin e tretë do të gjejë përballë Zorjën.
Laçi, përballet të enjten me moldavët e Petrocub, me ndeshjen e parë në transfertë dhe kthimin pas një jave në shtëpi. Nëse bardhezinjtë kualifikohen edhe në raundin e dytë, do të kenë përballë në të tretin
me fituesin e sfidës Fehervar-Kabala.
