Gjendja fizike duhet gjetur. Nuk mund të mendohej ndryshe duke qenë se grumbullimi nisi më 6 korrik, me lojtarët e kombëtareve që janë bashkuar me grupin pak ditë më vonë. Por Simone Inzaghi mund të jetë i kënaqur me Interin e tij, që nën rezultatin 2-0 ndaj Monakos, një skuadër e grumbulluar që prej 16 qershorit dhe për këtë arsye shumë më e avancuar në përgatitje se zikaltrit, ka nxjerrë në pah karakterin, në pritje për të gjetur këmbët 'e duhura'. Një nga notat më pozitive të mbrëmjes në Ferrara ishte padyshim i sapoardhuri Kristjan Asllani, i cili jo vetëm firmosi golin e barazimit final 2-2 pas një veprimi të mirë të Lukakut, por dha edhe shenja të mëtejshme rritje, në mekanizmat e lojës zikaltër dhe në personalitet.
Mesfushori shqiptar, që iu bashkua zikaltërve me rolin e zëvendësuesit të Brozovic, po i bën përshtypje të gjithë ambientit dhe tifozët zikaltër tashmë po e brohorasin: “Si tifoz i Interit më bën të lumtur të lavdërohem nga publiku”, tha ai për Inter TV.
Asllani mbetet me këmbët në tokë, ai që, si thekson SportItalia “në dymbëdhjetë muaj, praktikisht një vit e gjysmë, kalova nga në të mos luajturit me të Rinjtë, duke mbërritur deri këtu”. Një kërcim së larti që nuk e ka ndryshuar shqiptarin për nga përulësia: "Jam i lumtur që luaj dhe stërvitem me Brozovic dhe Barella. Dua të mësoj sa më shumë nga shokët e skuadrës, do të përpiqem ta bëj sa më shpejt. Objektivët personalë? Unë shoh nga ndeshja në ndeshje, por ne kemi një objektiv ekipi që është të fitojmë titullin. Ne synojmë këtë dhe do të përpiqemi ta arrijmë".
