Flash

Shtatë muaj pas dëmtimit, Chiesa kthehet të vrapojë: video që e bën Juventus të shpresojë

Lapsi.al 2 June 2022
Shtatë muaj pas dëmtimit, Chiesa kthehet të vrapojë: video
Federico Chiesa mezi pret të kthehet në fushë e të japë kontributin e tij në krahun e majtë të sulmit të Juventusit. Anësori sulmues pësoi një dëmtim të rëndë kundër Romës janarin e kaluar dhe iu desh t'i nënshtrohej një operacioni në ligamentin e kryqëzuar të përparmë në gjurin e majtë. Një video e publikuar në rrjetet sociale nga bardhezinjtë e tregon lojtarin duke vrapuar. Një shenjë se procesi i rikuperimit po ecën pa probleme. Sigurisht që rruga për t'u rikthyer në tapetin e gjelbërt të stadiumit Allianz është ende e gjatë për Chiesan: pasi u operua në Austri katër muaj më parë, sulmuesit të kombëtares italiane iu dha një prognozë prej 7 muajsh. Megjithatë, kohët e kthimit të tij janë thjesht hipoteza. Chiesa mund të kthehet në fushë midis shtatorit dhe tetorit, apo edhe të zgjasë pritjen deri në vitin 2023. Video e publikuar nga faqja e Juventusit gjithsesi ngjall optimizëm. “A mund të emocionojë një vrapim i thjeshtë? Po”, thuhet në përshkrimin e postimit të Juventusit, ku anësori i kombëtares përjetësohet në një vrapim të parë (të kujdesshëm) mbi bar.

Të këshilluara

ide

MOTI TIRANA

27°c

KËMBIMI EURO

94.16

aktuale

Ndiqe Lapsin edhe në

Me interes nga publiku

Me sytë katër

PAPARAZZI