“Nuk mbaj mend që të ketë pasur një situatë të tillë kaq të vështirë. Në 3 ditët e fundit jam plakur më shumë se në 10 vitet paraprake”, ka thënë Vuçiçi sipas radios serbe, B92.
Vuçiçi në datën 24 shkurt, ditën e fillimit të agresionit rus u shpreh: “Retorika e komunitetit ndërkombëtar bëhet hipokrite dhe alogjike kur fjala është për territorin ukrainas nga një anë dhe për Kosovën nga ana tjetër”. Ndërsa dy ditë më pas ai tha: ”Serbia pësoi agresionin e 19 shteteve anëtare të NATO-s”.
Gjeopolitikë/ Si ndikon tek “Open Balkan”, lufta në Ukrainë
Ndërsa kryetari i parlamentit të Serbisë, Ivica Daçiç, deklaroi ditën e nisjes së agresionit rus në Ukrainë: ”NATO erdhi në muret e Kremlinit dhe prandaj ndodhi kriza në Ukrainë”. Në datën 28 shkurt në një interviste me agjencinë shtetërore “Tanjug”, Daçiç deklaroi se “Ukraina u bë dëm kolateral për Perëndimin, i cili e vuri kundër Rusisë. Situata në Ukrainë është rezultat i afrimit të NATO-s në kufijtë e Rusisë”. Pra, duket qartë se sa larg është Beogradi nga kartolina me të cilën reket ta përshkruaj kryeministri shqiptar. Pilërisht kjo e ka detyruar një nga njohësit më të mirë të Ballkanit, ish kryeministrin suedez, Carl Bildt, të thotë se Serbia me qëndrimin e saj e ka diskualifikuar veten nga procesi i anëtarësimit në BE. “Me këtë qëndrim Serbia de fakto diskualifikon veten nga procesi i anëtarësimit në BE. Nuk ka hapësirë për anëtarë të rinj të BE-së që nuk ndajnë vlerat tona themelore dhe interesat tona”, shkroi Carl Bildt në Twitter. Pra Rama nuk gjeti guximin të thotë asnjë fjalë, as për qëndrimet e Beogradit kundër sanksioneve, as për paralelizmat me sulmet e NATO-s ndaj Millosheviçit, por nxotoi të duartrokasë sot votën e Serbisë. Prapa kësaj duket qartë se ëshë plani i përbashkët i dy liderëve pro Ballkanit të hapur.Shaban Murati: Pse Tirana po i serviloset Serbisë kur ajo po ndahet me BE
"Kulmi i përunjësisë zyrtare shqiptare arrin kur, në këtë situatë lufte në Europë dhe kur bota e qytetëruar është angazhuar për t’i dhënë fund agresionit dhe për izolimin diplomatik dhe ekonomik të Rusisë dhe të aleatëve të saj, qeveria shqiptare e quan të përshtatshme t’i konfimojë Serbisë besnikërinë e Tiranës ndaj projektit serb të “Ballkanit të hapur” kpmentonte sot në një shkrim diplomati dhe analisti Shaban Murati. Vërtet halli i Ramës me Vuçiçin duhet të jetë i madh derisa i sheh vetëm njëran anë të medaljes mikut të tij.
