Mund të arrijë në 60-70 milionë euro shifra, për momentin vetëm një përllogaritje hipotetike, e evazionit fiskal të pretenduar që rrjedh nga kompensimi për kontratat e shitblerjes ose rinovimi i lojtarëve të trajtuar nga Fali Ramadani, menaxheri shqiptar ndër pesë më të fuqishmit në botë nën hetim.
Hetimi, i koordinuar nga prokurori Giovanni Polizzi dhe zv.prokurori Maurizio Romanelli dhe i kryer nga Njësia e Posaçme e Policisë së Valutave të Guardia di Finanza, ka të bëjë me krimet e mosdorëzimit të deklaratës tatimore, pastrim parash dhe vetëpastrim. Agjentët dje kryen kontrolle ndaj Chiodit dhe shkuan në zyrat e 11 klubeve të Serie A dhe B, të pa hetuara, përkatësisht Juventus, Torino, Milan, Inter, Verona, Spal, Fiorentina, Cagliari, Roma, Napoli dhe Frosinone për dorëzimin e dokumenteve. Grumbullimi i një sasie të madhe materialesh informatike (disa gigabajt) ka vazhduar edhe sot dhe janë drejt përfundimit.
Për momentin, përveç emaileve në lidhje me kontaktet mes drejtorëve sportiv apo drejtuesve dhe menaxherëve të klubeve dhe Ramadanit dhe “rrethit” të tij, janë mbledhur rreth tridhjetë kontrata, por numri i tyre duhet të rritet akoma. Kontratat që do të shqyrtohen për të konstatuar se sa dëmshpërblim i ka shkuar 'super menaxherit'. Në fokus janë operacionet (mes rinovimet, shitjeve e blerjeve) që lidhen, ndër të tjera, me Federico Chiesa, Miralem Pjanic, Samir Handanovic, Kalidou Koulibaly, Ante Rebic, Nikola Kalinic, Karlo Butic dhe trajnerin Maurizio Sarri.
