Inter mposht 6-1 Bologna në ndeshjen e vlefshme për javën e katërt të Serie A e ngjitet momentalisht në vendin e parë në klasifikim. Gjithcka e lehtë për zikaltrit në San Siro, që në fund të pjesës së parë shkuan në avantazh 3-0 falë golave të Lautaros (6'), Skriniar (30') e Barella (34'). Në fillimin e pjesës së dytë erdhi pokeri i shenjuar nga Vecino (54'), para dygolëshit të Dzekos (63' e 68') që fundosi kuqeblutë. I Theate (86') goli i flamurit për bolonjezët.
Një rezultat i jashtëzakonshëm për t’u rikthyer në rrugën e duhur menjëherë pas barazimit me Sampdoria dhe humbjes në Ligën e Kampionëve me Real Madridin. Interi kthehet të vrapojë dhe e bën këtë me një paraqitje të fortë, duke shtrydhur një Bolonja që mbërriti në San Siro me një qëndrim tepër agresiv dhe të paskrupullt, pre e lehtë për një ekip vdekjeprurës në kundërsulm dhe i pamëshirshëm para portës si ai i Inzaghit.
Mund të ekzaltohet tekniku për super performancën e Dumfries, të sulmuesve të tij dhe një mbrojtj të padepërtueshme. Problemi i vetëm i ditës është dëmtimi i Correas, i cili doli pas një gjysmë ore mjaft të errët për shkak të një traume në legen. Një dëmtim që rrezikon të jetë i rëndë në funksion të dy ndeshjeve të ardhshme të afërta kundër Fiorentinës dhe Atalantës.
