Borxh për dronë nga Erdogani, apo radarë për sigurinë rrugore
Policia ka mundur të zbardhë pak a shumë dinamikën e aksindentit. Shkak është bëeë një makinë tip 'Audi' me targa AA 107 XX, që lëvizte me shpejtësi mbi 150 km/orë, ku udhëtonin 3 të rinj nga Fieri. Audi i ka rënë nga pas mjetin tjetër tip 'Toyota' me targa greke, në të cilën udhëtonte Eduart Gushi me bashkështorten dhe dy vajzat e tij. Nga goditja Toyota ka dalë nga rruga dhe është përplasur duke u shkatërruar plotësisht. Për shkak të deformimit të madh, trupat e pajetë kanë mbetur të bllokuar brenda mjetit dhe vetëm ndërhyrja e zjarrfikësve që kanë sharruar makinën ka bërë të mundur nxjerrjen e tyre. [video width="640" height="362" mp4="https://cdnimpuls.com/lapsi.al/wp-content/uploads/2021/06/67apsmJ5lAlGOkT94HdV_25_ce29c699435145d602cc8e59c3e35272_video_360p_converted.mp4"][/video] 3 të rinjtë që udhëtonin me mjetin 'Audi' i kanë mbijetuar dhe janë transportuar menjëherë në spital. Mjeti i tyre u përplas edhe me një shtyllë elektrike dhe më pas ka përfunduar në kanalin anës rrugës. Të plagosurit Igli Madani, Fabio Lamaj dhe Glori Selimi janë jashtë rreziku për jetën. [video width="848" height="480" mp4="https://cdnimpuls.com/lapsi.al/wp-content/uploads/2021/06/WhatsApp-Video-2021-06-25-at-9.06.13-AM.mp4"][/video] Të dy mjetet po udhëtonin nga Fieri drejt Vlorës. Mbetet për t’u sqaruar nëse 'Toyota” ka ndërruar korsi dhe është goditur nga mjeti tip Audi ku udhëtonin të rinjtë, apo këta ishin me një shpejtësi të tillë që nuk e kanë kontrolluar makinën dhe janë përplasur me mjetin tip Toyota ku udhëtonte familja Gushi. Familja Gushi jetonte në emigracion në Greqi. Eduart Gushi ishte nga Patosi dhe prej një viti e gjysëm jetonte jashtë bashkë me familjen. Kthimi për pushime në jug të Shqipërisë ka qenë fatal për të.
Në portale është shpërndarë një foto e tij teksa i dhuron një trëndafil vajzës më të vogël, që nuk është më.
Statistikat e aksidenteve
Në Shqipëri, në vitin 2019 humbën jetën 227 persona. Në raport me popullsinë, vendi shënoi 80 fatalitete nga aksidentet rrugore për 1 milionë banorë.
Kjo shifër e rendit Shqipërinë ndër vendet me vdekjet më të larta nga aksidentet rrugore në raport me popullsisë dhe gati 60% më të larta sesa mesatarja europiane, sipas të dhënave të tjera të Eurostat.
Në Europë kryeson Rumania, me (96 viktima të trafikut rrugor për milion banorë), Bullgari (90) dhe pas saj vjen Shqipëria (nuk janë të dhënat për vendet e tjera të rajonit).©Lapsi.al
