Mjaftojnë pak minuta edhe në një ndeshje që dukej e mallëkuar për të, me raste të humbura para portës, që Cristiano Ronaldo jo vetëm të lërë gjurmë, por edhe të shënojë një dygolësh që e projekton në krye të të gjithëve në kontinent për gola të shënuar në kampionatet Europiane. Tani Michel Platini, me të cilin ndante kreun, ka mbetur pas, sepse para 60 mijë tifozëve të Puskas Arena shënoi dy gola në tre minutat e fundit të ndeshjes me Hungarinë, duke vënë tani në shënjestër rekordin e Ali Daei.
Cristiano Ronaldo që kërkonte rekordin, për tu bërë shënuesi më i mirë i të gjitha kohërave në Europian, shënoi golin e parë në të 87 nga pika e bardhë e penalltisë. Portugezi nuk u mjaftua me kaq dhe shënoi edhe të tretin për Portugalinë e të dytin persona në minutën e 90, duke fiksuar 11 gola të shënuar në kampionatet Europiane.
Dygolëshi i portugezit i përgjigjet atij të Lukakut të shtunën, duke e ngjitur në kuotën e 106 golave me kombëtaren, që i jep të drejtën CR7 të ndjekë edhe rekordin e vetëm të mbetura pa thyer atë të golave me kombëtaren që mbahet nga iraniani Ali Daei me 109.
