Andi Bushati: A e mbron dot më PD, Sali Berishën?
Basha flet për keqardhje, Meta për fletërrufe. I pari thekson rolin e SHBA si aleat strategjik (pikërisht në ditën që kanë nxirë Berishën), i dyti për atë të një lobimi të porositur nga kleptokracia e Tiranës. Luli i shmanget faktit nëse akuzat janë ose jo të bazuara, presidenti i quan ato “të shëmtuara, të pabesa dhe të poshtra”. Ilir Meta gjithashtu e vendos këtë akt në sfondin aspak të pafajshëm kohor kur ai ndodhi: “Kjo “fletërrufe” jo rastësisht u kërkua në këtë moment, kur procesi zgjedhor ende nuk është mbyllur zyrtarisht dhe kur institucionet, sipas Kodit Zgjedhor, duhet të shprehen lidhur me ankesat e shumta për manipulimet dhe krimet zgjedhore të denoncuara gjerësisht, që kanë cenuar rëndë standardet perëndimore të një procesi elektoral plotësisht të lirë, të ndershëm dhe demokratik”. Lexo më tej: Ndërsa nga ana tjetër Basha as nuk e lidh aktin e shpalljes non grata me periudhën pas zgjedhore dhe arratiset dhjetë vite më parë duke e përshkruar Berishën si një fosile politike që ka pasir dikur sukseset e veta: “Vendimi i sotëm i Sekretarit të Shtetit nuk cënon arritjet madhore të Shqipërisë nën drejtimin e Sali Berishës, kontributin e tij madhor në demokratizimin e Shqipërisë dhe reformat që e afruan vendin me partnerët tanë Euro-Atlantikë, dhe aq më pak marrëdhënien e shkëlqyer të Partisë Demokratike me Shtetet e Bashkuara të Amerikës”. Boll të bësh këtë krahasim me një thjeshtësi elementare për të kuptuar se si e ka shitur PD-ja e re dhe humbëse e Bashës ,liderin historik të së djathtës. ©Lapsi.al
