Telashet po mbërrijnë për Inter. Karabinierët kanë ndërhynë mbrëmë në Milano, në një hotel në qendër, ku po zhvillohej ditëlindja e sulmuesit të zikaltërve Romelu Lukaku në një sallë eventesh. Lojtari ishte me 23 persona të tjerë, të cilët do të sanksionohen për shkelje të legjislacionit anti covid. Midis tyre edhe lojtarë të tjerë të Interit: Hakimi, Young dhe Perisic.
Episodi ndodhi rreth orës 3 të natës së kaluar dhe ushtarakët e Kompanisë Milano Duomo dhe Radiomobile Nucleo ndërhynë pas një raporti në numrin e emergjencës 112. Përveç Lukaku, 23 persona të tjerë janë identifikuar, duke përfshirë disa lojtarë të tjerë të Interit dhe menaxherin e restorantit të hotelit që organizoi ditëlindjen. Drejtori dhe të ftuarit - shpjegojnë karabinierët - do të sanksionohen për arsye të ndryshme për shkeljen e legjislacionit për ndalimin e Covid - 19.
