Trajneri i Lazios, Simone Inzaghi ka rezultuar pozitiv me Covid-19. Klubi bardhekaltër ka komunikuar infeksionin e një anëtari të stafit teknik pas një ekzaminimi privat, të cilit ai iu nënshtrua së bashku me disa anëtarë të familjes së tij. Gruaja e Inzaghit, më pas, e bëri zyrtare në rrjetet sociale. "Përshëndetje të gjithëve, ne donim t'ju tregonim që fatkeqësisht e gjithë familja jonë pas një tamponi të bërë në shtëpi rezultoi pozitive për koronavirus! Ne jemi mirë dhe në izolim sipas protokollit! Një përqafim", shkroi Gaia Lucariello në story në Instagram.
"SS Lazio njofton se ka mësuar nga një anëtar i stafit teknik që ai është pozitiv për Covid-19, pas një testimi privat që iu nënshtrua së bashku me disa anëtarë të familjes së tij - shkruhet në njoftimin për shtyp të lëshuar nga klubi bardhekaltër - Shoqëria, për sa ka në kompetencë, tashmë ka zbatuar të gjitha masat e parashikuara për të mbrojtur anëtarët e saj".
Në dritën e pozitivitetit të Inzaghi ndaj Covid, nga nesër dhe deri të shtunën, grupi i ekipit do të ketë tempone çdo ditë për të mbajtur situatën nën kontroll.
