Carvajal, Militao, Sergio Ramos, Marcelo, Valverde, Odriozola, Hazard dhe Rodrygo. Pothuajse një ekip i tërë dhe, ndër të tjera, i nivelit më të lartë: është formacioni i të dëmtuarve të Real Madrid. Me problemin muskular të pësuar nga Carvajal kundër Valencias (që do ta detyrojë atë të qëndrojë jashtë për të paktën një muaj e gjysmë), Zidane ka praktikisht njëmbëdhjetë lojtarë me numër për ndeshjet kundër Valladolid në Liga dhe Atalanta në Ligën e Kampionëve.
Trajneri i blancos është tepër i shqetësuar për serinë e dëmtimeve dhe është e kuptueshme, edhe pse niveli i atyre që janë në dispozicion është natyrisht shumë i lartë. Formacioni i dy ndeshjeve të ardhshme është i bërë praktikisht: Courtois, Lucas Vazquez, Varane, Nacho, Mendy, Modric, Casemiro, Kroos, Asensio, Benzema, Vinicius. Alternativat janë Isco dhe Mariano Diaz, dy lojtarë që nuk janë veçanërisht të dashur nga Zidane, i cili preferon që në vend të përdorimit të tyre të aktivizojë lojtarin e akademisë Sergio Arribas.
