Fikayo Tomori është gjithnjë e më pranë Milan. Konfirmimi vjen direkt nga Frank Lampard. "Ai është një lojtar në zhvillim - shpjegoi tekniku i Chelsea, duke hapur rrugën e një transferimi të përkohshëm të lojtarit -. Këtë vit kemi pesë mbrojtës qendrorë, kështu që situata është e vështirë me disa prej tyre që nuk luajnë rregullisht dhe kjo është arsyeja pse Tomori mund të shkojë në huazim".
Deklarata është shumë interesante për Maldini e drejtuesit e tjerë kuqezinj. Drejtori i Milan ka qenë prej kohësh në gjurmët e mbrojtësit të Blues dhe tani është gati të kryejë sulmin përfundimtar për të sjellë lojtarin në Milano, me synimin për të fuqizuar prapavijën. "Vitin e kaluar kemi pasur katër mbrojtës qendrorë, por nuk mund të luaj me të katër në një ndeshje - shtoi Lampard për të shpjeguar situatën e Tomorit -. Ai është një lojtar i ri dhe ka pasur rritje të jashtëzakonshme në dy sezonet e fundit."
