Celtic do të mbetet pa 14 lojtarë për ndeshjen e tyre të Premiership në Skoci kundër Hibernian të hënën, pasi mbrojtësi Christopher Jullien doli pozitiv për koronavirus kur ekipi u kthye nga një kamp stërvitor në Dubai. Klubi njoftoi se 13 nga shokët e skuadrës së Jullien janë konsideruar kontakte të ngushta dhe për këtë arsye duhet të izolohen.
Sikur të mos mjaftojnë më shumë se një formacion jashtë gatishmërisë, edhe trajneri i Celtic, Neil Lennon dhe ndihmësi i tij gjithashtu do të mungojnë sepse kanë qenë në kontakt me Jullien. Celtic u angazhua për të luajtur sidoqoftë ndeshjen e tyre kundër Hibernian, pavarësisht nga vala e mungesave. Kampionët në fuqi janë 22 pikë prapa në renditje nga Rangers, kryesues e rivalët e përjetshëm.
