Jo vetëm Neymar. Në Angli, mbrojtësi francez i Manchester City, Benjamin Mendy është në qendër të kritikave për organizimin e një feste të Vitit të Ri pa respektuar izolimin për koronavirusin. Mendy ka ftuar disa persona për një festë në shtëpi me familjen e tij - partneren e tij dhe dy nipërit e mbesat që jetojnë në qendrën e izolimit me ta -, kundër rregullave në përgjithësi, kundër rekomandimeve të trajnerit të tij Pep Guardiola: "Çdo ditë u kujtoj lojtarëve të mi të jenë të kujdesshëm, të qëndrojnë në shtëpi, e të mos futen në kontakt me njerëz të tjerë ”.
Mendy dje kërkoi falje, por mund të mos jetë e mjaftueshme. City është shprehur "i zhgënjyer kur mësoi për shkeljen dhe do të kryejë një hetim të brendshëm". Një zëdhënës i Mendy ka sqaruar për The Sun se “Benjamin dhe partnerja e tij lejuan një kuzhinier dhe dy miq të shoqes së tij të merrnin pjesë në një darkë të Vitit të Ri në shtëpinë e tyre. Francezi kërkoi falje, e ndërkohë i është nënshtruar një tamponi dhe po bashkëpunon me Manchester City për këtë situatë”.
City nuk ishte në gjendje të luante ndeshjen kundër Everton të planifikuar për 28 dhjetor për shkak të pozitivitetit të Gabriel Jesus dhe Kyle Walker. Tre lojtarë të tjerë u përjashtuan nga ndeshja e së dielës me Chelsea pasi ishin pozitivë. Nuk është ende e qartë nëse do të merren masa disiplinore për francezin i cili arriti tek City në 2017. Gjoba të rënda janë dhënë nga Tottenham për Sergio Reguilon, Erik Lamela dhe Giovani Lo Celso të cilët kaluan Krishtlindjet së bashku me Manuel Lanzini të West Ham. "Unë jam i zhgënjyer - tha dje Mourinho -. Klubet përpiqen të bëjnë çmos për të ruajtur lojtarët dhe shëndetin e tyre, por privatësia e tyre nuk mund të kontrollohet në një mënyrë invazive ”.
