Një skuadër që po mëson të jetë punëtoire, përvec se e aftë të shprehë lojë me kualitet. Napoli i Rino Gattuso nuk mund të ishte ndryshe. E tregon jeta e tij si mesfushor, i papërmbajtshëm, i pangopur me suksese. E kështu - shkruan Gazzetta dello Sport - fytyra simbol e të kaltërve është ajo e Elseid Hysaj, 26 vjecari shqiptar me gati 200 ndeshje në Serie A mbi shpatulla.
Ushtari sarrian, në verën e 2018 rrezikoi të shkonte bashkë me mjeshtrin e tij tek Chelsea, por De Laurentiis pasi la të largohej Jorginho i tha jo rrezikut të hemoragjisë. Pòr Elseidi nuk i pëlqente Carlo Ancelottit e shkodrani rrëshqiti në pankinë, në harresë. Pastaj me ardhjen e Gattusos gjithcka ndryshoi në pak muaj. E Hysaj në këtë sezon është kthyer titullar, edhe pse në krahun e majtë këtë herë.
E kështu të shtunën, u kuptua edhe njëherë se ishte Elseidi i përzgjedhuri për krahun e majtë për ndeshjen e Bolonjës. Mario Rui e Ghoulam i kanë kërkuar shpjegime Gattusos, por përtej mënyrës se si tekniku i refuzoi, mbetet në mendje imazhi i dy majtoshëve në tribunën e Dall’Aras, të ndëshkuar nga trajneri, që privilegjon atë që stërvitet gjithnjë për të dhënë maksimumin. E Hysaj është pikërisht ky tip lojtari. Ndoshta jo me këmbë të arta, por një mbrojtës krahu i vrapimit që i lejon një lloj favorizimi në këtë këndvështrim ndaj cdo kundërshtari.
Edhe tekniku i Shqipërisë, Edy Reja, merr frymë lehtësisht duke qenë se mund ta kishte në kombëtare (në tetor mbeti i bllokuar në Castel Volturno me Napolin) për të tentuar kualifikimin në ndeshjet e fundit të grupit të Nations League. Për Shqipërinë bëhet fjalë për një pikë referimi të rëndësishme. Sepse në moshën 26 vjecare Hysaj ka mbi 50 prezenca me kuqezinjtë me të cilët debutoi në moshën 19 vjecare. Tani menaxheri i tij Giuffredi po bisedon për rinovimin me Napolin, por pikërisht firma e ardhshme e Gattusos mbi një kontratë që do ta zgjasë këtë projekt teknik deri në 2023, të bën të mendosh se edhe për Hysaj e ardhmja do të jetë në Napoli.
