Kreu i PD Lulzim Basha ka postuar në Twitter kronikën e “Zërit të Amerikës” për situatën me COVID-19 në vendin tonë, ku thuhej se java e kaluar shënoi një rritje të ndjeshme prej 15% e numrit të rasteve të reja me koronavirus.
Duke iu referuar shifrave, kryedemokrati thekson se “plani ynë antikrizë ndihmon çdo shqiptar në vështirësi” dhe thekson se “koha nuk pret”.
“Rriten infeksionet, bien testimet. Ndërkohë që njerëzit kanë nevojë për mbështetje dhe ndihmë, Rama vazhdon me vjedhje dhe gënjeshtra. Plani ynë antikrizë ndihmon çdo shqiptar në vështirësi. Koha nuk pret!”, shkruan Basha.
