Kreu i Partisë Demokratike Lulzim Basha e ka bërë të qartë pozicionimin e tij se nuk do të pranojë bashkëqeverisje apo koalicion me PS-në teksa paralajmëroi kryeministrin Edi Rama se me marrjen e pushtetit, do e çojë për ndjekje penale para drejtësisë për dosjet e korrupsionit që janë bërë gati.
“Shumë prej këtyre dosjeve i kemi çuar në SPAK. Dosjet janë gati, Rama do shkojë për ndjekje penale sa më takon mua si kryeministër nesër e do marrë ndëshkimin e merituar.
Për Ramën s’kam asnjë ofertë koalicioni e nuk pranoj asnjë ofertë dhe kam vetëm një mesazh: Pas 25 prillit e pret drejtësia, ndëshkimi i merituar, ky është mesazhi, ato dosje që janë bërë gati të korrupsionit galopant do shkojnë në drejtësi e të hetohen.
S’ka bashkëqeverisje me të keqen.
T’i kërkosh njeriut që e ka vjedhur Shqipërinë deri në kockë, që në kulmin e pandemisë bënte tendera sekretë e po vjedh ca ka mbetur par se të largohet për qeveri teknike ne funksion te shqiptareve është utopi e s’merrem fare me utopi unë po bëj detyrën time si opozitë.
Një njeri i tillë do largohet, si janë larguar njerëzit e kalibrit të tij në Evropë dhe në botë”, - tha Basha në Syri tv.
