Një Maverick Vinales shumë i shpejtë rrëmben pole position në GP e San Marinos në Misano. Spanjolli, që e ka mbyllur sesionin në kohën 1'31''411, do të niset përpara dy Yamahave të tjera të Franco Morbidelli (+0''312) e Quartararo (+0''380). Radha e dytë me shije italiane me Valentino Rossi që do të niset nga vendi i katërt, ndërsa i gjashti Bagnaia. Gjuetia e podiumit për Dovizioson do të fillojë nga vendi i nëntë.
Yamaha merr rezultat të plotë në Misano duke futur tre nga katër motorët në dispozicion në vijën e parë. Pole position është pronë e një Maverick Vinales të jashtëzakonshëm, që pasi entuziazmoi të premten, rrëmbeu në sekondën e fundit kohën më të mirë përpara Franco Morbidellit. Spanjolli, me M1 zyrtare, bëri gjithcka në mënyrën e duhur e në xhiron e fundit në dispozicion regjistroi një kronometrim të frikshëm: 1'31''411 duke lënë pas shpine Yamahat e skuadrës satelit Petronas. Prapa me 312 të mijtat Morbidelli, 380 ato të Fabio Quartararo, që në kthesat e para të cirkuitit Marco Simoncelli të Misanos do të provojë të impenjojë atë që do të jetë shoku i ardhshëm i skuadrës.
Për të gjetur M1 e katërt e të fundit nuk duhet bërë shumë rrugë. Vendi i katërt për Valentino Rossi, por gjuetia e podiumit numër 200 në karrierë do të nisë nga vija e dytë për Doktorin që, pranë vetes do të gjejë dy motorët Pramac të Miller e bashkëkombasit të tij Bagnaia.
Radhë e tretë për Andrea Dovizioso e Ducatin e tij, që e sheh veten të bashkëngjitur me Suzukin e Rins (7°) e Mir (8°). Një fundjavë e komplikuar për Dovin që duhet të tentojë rikuperimin për të vazhduar të jetë pranë El Diablo Quartararo në garën për titullin kampion bote.
