Presidenti Ilir Meta i ka bërë thirrje qeverisë shqiptare që të realizojë falas për emigrantët testimin si dhe në vendin ku ata ndodhen dhe po presin në radhë.
Sipas Presidentit, qytetarët shqiptarë nuk mund të trajtohen pa atdhe apo pa shtet.
Meta kërkon që kontaktet me Greqinë të jenë konstante dhe për një zgjidhje të menjëhershme të situatës pasi këto imazhe turpërojnë imazhet e të dyja vendeve.
Reagimi
Qytetarët shqiptarë, të cilët prej ditësh ndodhen në pikën e kalimit kufitar të Kakavijës, në kushte tejet të vështira dhe në prag të një krize humanitare, nuk mund të trajtohen si njerëz pa Atdhe dhe pa shtet.
Përsëris thirrjen e fortë drejtuar qeverisë shqiptare për të qëndruar pranë qytetarëve dhe për të marrë të gjitha masat, për informimin me transparencë, realizimin FALAS dhe në vendin ku ndodhen të tamponëve për COVID-19.
Kontaktet me Greqinë të jenë konstante dhe vetëm në funksion të një zgjidhjeje të menjëhershme.
Aktet e forcës janë të papranueshme!
I kërkoj autoriteteve greke, që në respekt të frymës së fqinjësisë së mirë dhe lidhjeve të forta tradicionale mes dy popujve, të bëjnë të pamundurën për zgjidhjen e situatës, imazhet e së cilës turpërojnë të dyja vendet.
ÇDO QYTETAR I REPUBLIKËS SË SHQIPËRISË MERITON TË TRAJTOHET ME DINJITET! ??
