Kryetarja e LSI, Monika Kryemadhi në një intervsistë për News24 ka thënë se vetë ajo është kundër ndryshimeve kushtetuese jo prej ndalimit të koalicioneve, por për integrimin europian.
Sipas saj nëse Shqipëria humbet kësaj radhe negociatat atëhere jo vetëm që s’ka shans të anëtarësohet më në BE por do të izolohet dhe do i vendosen madje edhe sanksione. Ajo sqaron se nëse Rama do të bëjë ndryshime kushtetuese atëhere të bëjë Referendum, pasi dhe Enver Hoxha që ishte diktator miratonte me Referendum nga populli.
Kryemadhi nuk përjashton mundësinë e një liste të përbashkët me Opozitën në zgjedhjet e ardhshme por fillimisht ajo thotë se është e përqëndruar tek problematikat aktuale siç është pandemia.
"Kjo ka kohë. Më e rëndësishme është evidentimi i problematikave, plani i masave nga kjo krizë", tha Kryemadhi kur u pyet për këtë cështje.
