Një ditë pas takimit me Kryeministrin Edi Rama, ambasadorët e Yuri Kim dhe Luigi Soreca kanë zbarkuar sot në zyrën e Lulzim Bashës, ku kanë zhvilluar një takim për rreth dy orë.
Në takim ishte edhe ambasadori i Britanisë së Madhe, Duncan Norman, si edhe anëtarët e Këshillit Politik, Oerd Bylykbashi dhe Petrit Vasili.
Takimi i ambasadorëve me krerët e politikës shqiptare vjen në një kohë të tensionuar politike, teksa kryeministri Edi Rama dhe opozita parlamentare janë për ndryshime kushtetuese dhe hapje listash, gjë e cila kundërshtohet nga opozita jashtëparlamentare, e cila ka kërkuar hapje 100% të listave pa prekur koalicionet parazgjedhore.
