Këshilli Politik është mbledhur sërish këtë pasdite për të diskutuar mbi ndryshimet politike për Reformën Zgjedhore një ditë pas marrëveshjes PS- opozitë parlamentare.
Në mbledhjen e sotme ka konfirmuar pjesëmarrjen kryeministri Edi Rama dhe negociatori socialist, Damian Gjiknuri, si dhe përfaqësuesit e opozitës parlamentare, Rudina Hajdari dhe Myslim Murrizi.
Ndërkohë, në këtë mbledhje nuk do të marrin pjesë përfaqësuesit e opozitës jashtëparlamentare. Opozita e bashkuar i është përgjigjur Gjiknurit me kërkesën për shtyrjen e mbledhjes për nesër ose të premten.
Ndërkohë mësohet se pjesë e tyrezës është dhe i dërguari i SHBA, Ian Crawford i cili është shefi i sektorit politik dhe ekonomik në ambasadën amerkane. Crawford nuk është emër i padëgjuar për publikun shqiptar pasi ishte negociator i marrëveshjes së parë në Këshillin Politik.e cila u konkretizua më 5 qershor.
