Ambasadorja e SHBA, Yuri Kim vazhdon turin e saj të heshtur në mbrojtje të marrëveshjes të 5 qershorit.
Kim është pritur në një takim nga Presidenti i Republikës, Ilir Meta.
Takimi mes zyrtares së SHBA dhe kreut të shtetit, qe zgjati rreth nje ore, vjen pak para mbledhjes së Këshillit Politik të thirrur nga mazhoranca, pas firmosjes së marrëveshjes me opozitën parlamentare.
Takimi u organizua në kulmin e debatit politik opozitë- qeveri në lidhje me ndryshimet Kushtetuese, ku presidenti Ilir Meta ka qenë kritik, duke mos hezituar edhe të paralajmërojë se nëse miratohen këto ndryshime, ai nuk do ta njohë kryeministrin që del nga zgjedhjet e vitit 2021.
Por kjo garanci e re PS- opozitë parlamentare, nuk ka bindur dot PD dhe LSI. Demokratët thanë se kjo është manovër e kryeministrit Edi Rama për të kaluar në kuvend fillimisht marrëveshjen e një javë më pas ta prishë atë me ndryshimet Kushtetuese.
