Përfaqësuesi i PD në Këshillin Politik, Oerd Bylykbashi ka reaguar pas marrëveshjes së arritur mes kryeministrit Rama dhe asaj që njihet si “opozita” parlamentare për miratimin e ndryshimeve Kushtetuese.
Bylykbashi shprehet ky është një pakt vrasësi dhe vetëm Edi Rama është i aftë të bëjë një marrëveshje, për të prishur një marrëveshje tjetër.
Më tej, Bylykbashi shprehet se 21 korriku, është katër vjetori i marrëveshjes për Kushtetutën që u shkel nga Edi Rama.
“Pakt-vrasesi. Vetem Edi Rama eshte i afte qe te beje nje marveshje per te prishur nje marrëveshje tjeter. E deklaroi pas 5 qershorit se do ta griste marrëveshjen dhe kete e beri fakt sot me 21 korrik me ate karagjozaten qe e shiti per marrëveshje.
Mos harroni! 21 korriku eshte 4-vjetori i marrëveshjes per Kushtetuten qe u shkel nga Edi Rama menjehere pas miratimit te saj. Nuk e kapercen dot veten dhe ta respektoje shprehjen antike romake “Pacta sunt servanda’ (Paktet zbatohen)” – shkruan Bylykbashi. ©LAPSI.al
