Lulzim Basha tha se si kryeministër vendimi i tij i parë do të jetë heqja e traut dhe taksës në “Rrugën e Kombit”, gjatë një konference për mediat krah kryeministrit kosovar Avdullah Hoti.
"Një nga vendimet e para të mia, do të jetë heqja e taksës dhe traut në Rrugën e Kombit, një vendim i padrejtë. Po kështu një thellim të bashkëpunimit në të gjitha fushat e tjera. Dua të çmoj lart qëndrimet tuaja dhe fokusin tuaj në bashkëpunimin ekonomik ku do të keni mbështetjen time dhe të PD-së”, deklaroi Basha.
Kryeopozitari zbuloi se ndihej i inkurajuar nga masat qe ka marrë qeveria e Kosovës për pandeminë.
"Në raport me PBB dhe buxhetin, paketa ekonomike e Kosovës më e larta në tajon, shembull për Shqipërinë, ku situata ekonomike dhe ajo e pandemisë shumë kritike." - u shpreh Basha, i cili theksoi se tek ai dhe opozita do gjejnë një bashkëpunëtor të fortë.
