Inter bën të cmendurin, si zakonisht, duke përmbysur Parmën në 6 minutat e fundit në ndeshjen e fundit të Serie A, duke blinduar kualifikimin në Champions League, me +13 nga Roma e vendit të pestë. Në Tardini janë më mirë vendasit në fillim, që morën avantazhin me golin e Gervinho në të 15'. Zikaltrit, të ngadaltë e makinozë për pjesë të mëdha lojë, përmbysën gjithcka në finale falë dy golave me kokë: në fillim De Vrij (84') e pastaj Bastoni (87'), kur Parma ishte me 10 për kartonin e kuq të Kucka.
Milano është e gjitha në festë, sepse edhe Milan ka arritur të mposhtë Romën 2-0, duke mbërritur tashmë 3 pikë larg Europa League, ose më saktë vendit të gjashtë të mbajtur nga Napoli. Rebic në minutën e 76 hapi serinë e golave, ndërsa Calhanoglu, në mungesë të Ibrahimovic, shënoi me penallti golin e 2-0 në fund të ndeshjes.
Napoli nuk dëshiron të humbë Europën, e pas fitores me Spal 3-1i afrohet Romës (bashkë me Milan do të jenë këto tre skuadra që do ta diskutojnë). Nuk ka dyshime katërshja e Champions, pasi Atalanta vazhdon të fitojë, këtë herë duke dalë triumfuese 2-3 në transfertën e Udines me bardhezinjtë.
ITALY - SERIE A
Milan 2 - 0 Roma
Napoli 3 - 1 SPAL
Sampdoria 1 - 2 Bologna
Udinese 2 - 3 Atalanta
Sassuolo 3 - 3 Verona
Parma 1 - 2 Inter
