Udhëtimi blitz në Stokholm i Zlatan Ibrahimovic për të asistuar në ndeshjen e Hammarby, ku është aksioner, nuk ka kaluar pa vëmendje, për më tepër që tani suedezi është në qendër të një polemike në vendlindje. Ibrahimovic ka thyer linjën udhëheqëse kundër Koronavirus, duke u futur në dhomat e zhveshjes së Hammarby, për të komplimentuar skuadrën pas fitores kundër Ostersund. Sipas rregullave anti-Covid në Suedi, vetëm trajnerët e lojtarët kanë akses në dhomat e zhveshjes.
"Duhet të mësoj më tepër përpara se të flas, do të diskutojmë me Hammarby", ka deklaruar sekretari i përgjithshëm i futbollit suedez Mats Enquist, sipas asaj që bën të ditur SportBladet.
Ndërkohë, Ibra të martën pritet të mbërrijë në Itali ku do ti nënshtrohet kontrolleve të tjera në pulpën e djathtë të dëmtuar. Sulmuesi i Milan ka kryer kontrollet e fundit të lëndimit në muskulin soleo në 4 qershor. "Procesi i shërimit vazhdon mirë, pa komplikime", është thelbi i komunikatës së klubit kuqezi. Shpresa e Pioli është të arrijë ta rikuperojë të paktën për sfidën e 28 qershorit kundër Romës.
