Hekuran Billa është viktima e mbrëmjes së sotme, i cili u vra nga një makinë në ecje në zonën e Komunës së Parisit. Ndërkaq vetëm pak minuta më pas një automjet është gjetur i djegur në Pezë të Vogël, ndërsa mendohet se i përket autorëve të atentatit të 40-vjeçarit që u vra mbrëmjen e sotme në zonën e Komunës së Parisit.
Pamjet që shihni i përkasin pikërisht makinës së djegur, e cila dyshohet se është përdorur nga autorët dhe më pas i është vënë flaka. Kujtojmë se ky skenar përdoret shpesh herë nga atentatorët në ngjarje mafioze.
Brenda makinës me targa AA 829 u gjet dhe një armë zjarri e dëmtuar që dyshohet të jetë arma e krimit. Numrat e fundit të targës janë të paidentifikuara. Targat ishin të vjedhura dhe i përkisnin një automjeti tjetër tip ‘Renault’. Gjithashtu është identifikuar edhe lloji i armës së gjetur brenda në makinë e cila është ‘MP5’.
