Damian Gjiknuri, përfaqësuesi i Partisë Socialiste në Këshillin Politik, ka folur për marrëveshjen e arritur me opozitën. Në një intervistë në emisionin “Provokacia”, Gjiknuri foli për rëndësinë e marrëveshjes së arritur, duke thënë se kjo “është një paqe e arritur për betejën politike që do të vijë.”
Sa i përket çështjes së mospranimit për lista të hapura në zgjedhje, Gjiknuri tha se kjo lloj formule ka disa anë negative.
“Listat e hapura kanë dy veti negative: Elitat do t’i godasin. E pamë katalogun te PD. E dyta, mund të ndodhë që personazhe me para edhe muskuj të jenë fitues”, u justifikua Gjiknuri.
Më tej ai ka mbështetur deklaratat e Ramës, i cili ishte kundër ndërhyrjes së ambasadorëve.
“Është e turpshme. U futëm në një ngërç, priteshin vendim të rëndësishme. Interesi qe i madh, për t’u gjetur një kompromis. Për shkak të ngërçit ku u futëm një proces që askush se ka pëlqyer, por në një farë mënyrë u gjet zgjidhje. Nuk ishte gjë e mirë që klasa përfaqësuese të mbylleshin në një territor të huaj”, shtoi ai.
