Kryetari i Partisë Demokratike Lulzim Basha ka falenderuar nënkryetarin e grupit CDU-CSU-së, për reagimin në lidhje me Reformën Zgjedhore.
Përmes një statusi në rrjetet sociale, Basha falenderon Wadephul dhe shton se mbetet akoma shumë për t’u bërë dhe mirëpret mbështetjen për të ndihmuar në miratimin dhe zbatimin e garancive për zgjedhje të lira dhe të ndershme në Shqipëri.
“Mirëpres mbështetjen e Bundestag për miratimin dhe zbatimin e garancive për zgjedhje! Faleminderit z. Wadephul për mbështetjen për zgjedhje të lira e të ndershme integrimin e Shqipërisë në BE. Mbetet akoma shumë për t’u bërë; mirëpres mbështetjen tuaj për të ndihmuar në miratimin dhe zbatimin e garancive për zgjedhje të lira dhe të ndershme në Shqipëri dhe në përmbushjen e të 15 kushteve për hapjen e negociatave të anëtarësimit,”- shkruan Basha.
