Maurizio Sarri kthehet në Continassa, ku mungonte nga 11 marsi, pas 64 ditësh, kur të gjithë aktivitetet sportive u bllokuan për shkak të emergjencës Koronavirus. Tekniku bardhezi ka mbërritur paraditen e sotme në qendrën stërvitore të Juventus, për tu ambjentuar përsëri me impantet stërvitore e për të riparë futbollistët e bashkëpunëtorët e tij, që kanë nisur stërvitjet në nivel individual të martën e kaluar.
Tekniku, para se të kthehet të drejtojë stërvitjet, do të kryejë të gjithë testet mjekësore të rastit. Me rikthimin të mërkurën të Adrien Rabiot, në kampin e Juventus në apel mungon vetëm Gonzalo Higuain, ende në Argjentinë tek e ëma e sëmurë me kancer. Pipita duhet të niset drejt kontinentit sot e të mbërrijë në Itali nesër. Pastaj, si për të gjithë lojtarët që kthehen nga jashtë, do ti nënshtrohet 14 ditëve karantinë.
