Ashtu si në të gjithë Europën që po bëhet gati të nisë futbollin, edhe në Angli debatohet mbi datën e rinisjes së Premier League e skeptikët shtohen cdo ditë e më shumë. Pavarësisht se Qeveria e FA kanë gjetur një akord final mbi protokollin për të aplikuar e mbi datën e rinisjes, mendimet e direkt të interesuarve janë në pozicione të kundërta e mes tyre është edhe José Mourinho, që në videokonferencën e fundit mes trajnerëve të Premier ka sjellë në vëmendje problematikat relative me formën atletike të futbollistëve.
Shumë prej tyre shfaqin shqetësimin e kërkojnë përgjigje para se të kthehen të stërviten, si pasojë e kërkesës për të firmosur një 'desclaimer' në rast se një prej tyre, ose një familjar, sëmuren. Në anën tjetër, Mourinho është një nga ata që bëjnë gjithnjë zhurmë e Daily Star i ka dedikuar titullin: "No ëay says José", që do të thotë "Në asnjë mënyrë", duke i qendruar pozicionimit të teknikut të Tottenham. Daily Express, ndërkohë, titullon foton e Special One me frazën: "Jo kaq shpejt".
Tekniku i Tottenham merr kështu lidershipin e atyre që kërkojnë më shumë kohë në krahasim me një nisje në fillim të qershorit, për të ruajtur shëndetin fizik të futbollistëve që janë të ndaluar prej kohësh nga cdo tip aktiviteti sportiv. Teza është e qartë: futbollistët janë të ndaluar prej rreth dy muajsh e duhet të bëjnë rreth katër javë stërvitje me gjithë limitet e rastit (seanca individuale, distanca për të respektuar, pamundësi kontaktesh fizike e kontraste), gjë që do të ngadalësonte shumë përgatitjen e e atyre që duhet të luajnë ndeshje zyrtare, duke shtuar jashtëzakonisht rrezikun e dëmtimeve të reja.
